ಗ್ಲಾಸ್ಗೋ ಕಾಮನ್‌ವೆಲ್ತ್ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿ ಬ್ರಿಟನ್ ಬಿಲ್ಲವ ಬಲಗದ ಸದಸ್ಯೆ ಶ್ರುತಿ ಕೋಟ್ಯಾನ್ ಅವರಿಂದ ಅದ್ಭುತ ನೃತ್ಯ ಪ್ರದರ್ಶನ
ಬ್ರಿಟನ್ ಬಿಲ್ಲವ ಬಲಗದ ಸದಸ್ಯೆ ಶ್ರುತಿ ಕೋಟ್ಯಾನ್ ಅವರು ಗ್ಲಾಸ್ಗೋದಲ್ಲಿ ನಡೆದ ಕಾಮನ್‌ವೆಲ್ತ್ ಕ್ರೀಡಾಕೂಟದ ಭವ್ಯ ಸಮಾರೋಪ ಸಮಾರಂಭದಲ್ಲಿ ಭಾರತದ ಪ್ರತಿನಿಧಿಯಾಗಿ ಹೆಮ್ಮೆಯಿಂದ ಭಾಗವಹಿಸಿದರು. ಅವರು ಖ್ಯಾತ ಶಿಯಾಮಕ್ ಡ್ಯಾನ್ಸ್ ಗ್ರೂಪ್ ಸದಸ್ಯೆಯಾಗಿ ಮನಮೋಹಕ ನೃತ್ಯ ಪ್ರದರ್ಶನ ನೀಡಿದರು.
ಗ್ಲಾಸ್ಗೋ, ಯುಕೆ: ಬ್ರಿಟನ್ ಬಿಲ್ಲವ ಬಲಗದ ಸದಸ್ಯೆ ಶ್ರುತಿ ಕೋಟ್ಯಾನ್ ಅವರು ಗ್ಲಾಸ್ಗೋದಲ್ಲಿ ನಡೆದ ಕಾಮನ್‌ವೆಲ್ತ್ ಕ್ರೀಡಾಕೂಟದ ಭವ್ಯ ಸಮಾರೋಪ ಸಮಾರಂಭದಲ್ಲಿ ಭಾರತದ ಪ್ರತಿನಿಧಿಯಾಗಿ ಹೆಮ್ಮೆಯಿಂದ ಭಾಗವಹಿಸಿದರು. ಅವರು ಖ್ಯಾತ ಶಿಯಾಮಕ್ ಡ್ಯಾನ್ಸ್ ಗ್ರೂಪ್ ಸದಸ್ಯೆಯಾಗಿ ಮನಮೋಹಕ ನೃತ್ಯ ಪ್ರದರ್ಶನ ನೀಡಿದರು.
ಈ ಸಮಾರಂಭದಲ್ಲಿ ಕಾಮನ್‌ವೆಲ್ತ್ ಧ್ವಜವನ್ನು ಅಧಿಕೃತವಾಗಿ ಭಾರತದ ಅಹಮದಾಬಾದ್ (ಅಮದಾವಾದ್) ನಗರಕ್ಕೆ ಹಸ್ತಾಂತರಿಸಲಾಯಿತು. 2030ರ ಕಾಮನ್‌ವೆಲ್ತ್ ಕ್ರೀಡಾಕೂಟಕ್ಕೆ ಆತಿಥ್ಯ ವಹಿಸಲಿರುವ ಅಹಮದಾಬಾದ್‌ಗೆ ಸ್ವಾಗತ ಸೂಚಿಸುವ ಅಂಗವಾಗಿ ಭಾರತದ ವೈವಿಧ್ಯಮಯ ಸಂಸ್ಕೃತಿ, ಪರಂಪರೆ ಹಾಗೂ ಸಾಂಪ್ರದಾಯಿಕ ನೃತ್ಯ-ಸಂಗೀತಗಳನ್ನು ಒಳಗೊಂಡ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.
ಈ ಪ್ರತಿಷ್ಠಿತ ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಭಾರತದ ಪ್ರತಿನಿಧಿಯಾಗಿ ಶ್ರುತಿ ಕೋಟ್ಯಾನ್ ಭಾಗವಹಿಸಿರುವುದು ಬ್ರಿಟನ್ ಬಿಲ್ಲವ ಬಲಗ ಹಾಗೂ ಯುಕೆಯ ಭಾರತೀಯ ಸಮುದಾಯಕ್ಕೆ ಹೆಮ್ಮೆಯ ಕ್ಷಣವಾಗಿದೆ. ಅವರ ನೃತ್ಯ ಪ್ರದರ್ಶನವು ಭಾರತದ ಶ್ರೀಮಂತ ಸಂಸ್ಕೃತಿ, ವೈವಿಧ್ಯತೆ ಮತ್ತು ಪರಂಪರೆಯನ್ನು ವಿಶ್ವದ ಮುಂದೆ ಅನಾವರಣಗೊಳಿಸಿತು. 2030ರಲ್ಲಿ ಕಾಮನ್‌ವೆಲ್ತ್ ಕ್ರೀಡಾಕೂಟವು ತನ್ನ 100ನೇ ವರ್ಷದ ಸಂಭ್ರಮವನ್ನು ಭಾರತದಲ್ಲಿ ಆಚರಿಸಲಿರುವ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮ ವಿಶೇಷ ಮಹತ್ವ ಪಡೆದಿದೆ.
ರಿವರ್ ಕ್ಲೈಡ್ ಮೇಲಿನ ಅದ್ಧೂರಿ ಪಟಾಕಿ ಪ್ರದರ್ಶನದೊಂದಿಗೆ ಗ್ಲಾಸ್ಗೋ ಕಾಮನ್‌ವೆಲ್ತ್ ಕ್ರೀಡಾಕೂಟಕ್ಕೆ ಅದ್ದೂರಿ ತೆರೆ ಬಿದ್ದಿತು. ಬಳಿಕ ಕಾಮನ್‌ವೆಲ್ತ್ ಧ್ವಜವನ್ನು ಭಾರತಕ್ಕೆ ಹಸ್ತಾಂತರಿಸುವ ಮೂಲಕ 2030ರ ಕ್ರೀಡಾಕೂಟಕ್ಕೆ ಭಾರತದ ಆತಿಥ್ಯದ ಅಧಿಕೃತ ಆರಂಭವನ್ನು ಘೋಷಿಸಲಾಯಿತು.
ಈ ಮಹತ್ವದ ಸಾಧನೆಗಾಗಿ ಶ್ರುತಿ ಕೋಟ್ಯಾನ್ ಅವರನ್ನು Billavavani team ಹೃತ್ಪೂರ್ವಕವಾಗಿ ಅಭಿನಂದಿಸುತ್ತಿದ್ದು, ಮುಂದೆಯೂ ಭಾರತೀಯ ಸಂಸ್ಕೃತಿಯನ್ನು ಜಾಗತಿಕ ವೇದಿಕೆಯಲ್ಲಿ ಪ್ರತಿನಿಧಿಸಿ ಇನ್ನಷ್ಟು ಯಶಸ್ಸು ಸಾಧಿಸಲಿ ಎಂದು ಹಾರೈಸುತ್ತದೆ.