ತುಲುಬಾಸೆ ರಾಜ್ಯೊದ ಆಡಳಿತ ಬಾಸೆಯಾದ್ ಅಧಿಕೃತ ಆವೊಡು, ಅಂಚನೇ ಮಂಗಳೂರು ಜಿಲ್ಲೆ ಪಂದ್ ಪುದರ್ ಪಗಪೊಡು: ಸಚಿವೆರ್ ವೇದವ್ಯಾಸ್ ಕಾಮತ್

ಕರ್ನಾಟಕ ಸಚಿವ ಸಂಪುಟ ಸಭೆ ನಮ್ಮ ತುಲುವ ಮಣ್ಣ್‌, ಕುಡ್ಲದ ಊರುಡು ನಡಪರೆ ಉಂಡು. ಈ ಸಂದರ್ಬೊಡು ಕರಿನ ಏತೋ ವರುಸೊದ ಬೇಡಿಕೆಯಾದುಪ್ಪುನ ನಮ್ಮ ತುಲುಬಾಸೆ ರಾಜ್ಯೊದ ಆಡಳಿತ ಬಾಸೆಯಾದ್ ಅಧಿಕೃತ ಆವೊಡು, ಅಂಚನೇ ಮಂಗಳೂರು ಜಿಲ್ಲೆ ಪಂದ್ ಪುದರ್ ಪಗಪೊಡು ಪನ್ಪಿನ ವಿಚಾರೊನು ರಾಜ್ಯ ಸರ್ಕಾರೊದ ದುಂಬು ದೀವೊಡು ಪನ್ಪಿನ ನಿಲೆಟ್ ತುಲುನಾಡ್ದ ಮಾತ ತುಲು ಸಂಘ ಸಂಸ್ಥೆದ ಮುಖಂಡೆರ್ ಬೊಕ್ಕ ತುಲುಪರ ಪೊರಂಬಾಟಗಾರೆರೆನ ಒಟ್ಟಿಗೆ ಪಾತೆರ ಕತೆ ಮಂತುಡ್ ಒಂಜಾತ್ ನಿರ್ಧಾರೊನು ದೆತೊಂದ.

ತುಲುವಪ್ಪೆಗ್ ಮಾನಾದಿಗೆ ಸಂದಾವರೆ ಬೊಕ್ಕ ದುಂಬು ದೀಪುನ ಪಜ್ಜೆ ನೆತ್ತ ಬಗೆಟ್ ಒಂಜಾತ್ ಚರ್ಚೆ ಮಂತುದ್ ನಮ್ಮ ಅಪ್ಪೆ ಬಾಸೆ ಒರಿಪುಗಾದ್ ನಮ ಮಾತ ತುಲುವೆರೆ ಒಟ್ಟಾಕ ಸೊಲ್ಮೆಲು.